Мадриднинг «Атлетико» клуби дарвозабони Ян Облак УЕФА Чемпионлар лигаси умумий босқичи 2-турида Лиссабоннинг «Бенфика» клубига қарши кечган ҳалокатли ўйиндан сўнг ўз фикрларини билдириб ўтди.
«Бундай ўйинлар баъзида бўлиб туради, лекин биз бунга йўл қўймаслигимиз керак. Жамоа майдонда ёмон ҳаракат қилди. «Атлетико»нинг бундай мағлубиятга учрашини қабул қилиб бўлмайди, бизда ҳеч қандай баҳона йўқ. Биз бу натижани қабул қилиб, ишлашда давом этишимиз керак. Бу дам олиш кунлари бизни муҳим ўйин кутиб турибди», - деди словениялик дарвозабон.
