Angliya terma jamoasi va «Manchester Yunayted»ning sobiq futbolchisi Pol Skoulz «qizil iblislar» ustozi Erik ten Xag faoliyati haqida tanqidiy fikr bildirdi.
«Menimcha, futbolchilar haligacha murabbiy ulardan nima istayotganini tushunishmayapti. Ular yaxshi tayyorgarlik ko‘rmagan jamoaga o‘xshaydi. Ularning o‘yinlarini tomosha qilish qiyin. Ten Xag ikki yildan beri mashg‘ulot o‘tkazmoqda, ammo men hech qanday taraqqiyotni ko‘rmayapman. Premyer-liganing boshqa top-klublari rivojlanmoqda, ammo «Manchester Yunayted» orqaga ketmoqda», - dedi Skoulz.
