Kataloniyaning “Barselona” klubi va futbol bo‘yicha Ispaniya terma jamoasining sobiq yarim himoyachisi Andres Inyesta professional faoliyatini yakunlaganini e’lon qildi. Bu haqda u ijtimoiy tarmoqdagi sahifasida ma’lum qildi.
39 yoshli yarim himoyachi 1996 yildan 2018 yilgacha "Barselona" tizimida to‘p tepgan. Bu davrda u kattalar jamoasi safida barcha turnirlarda 674 ta uchrashuvda qatnashib, 57 ta gol va 136 ta golli uzatmani amalga oshirgan.
Andres shuningdek, Yaponiyaning "Vissel Kobe" safida ham o‘ynashga muvaffaq bo‘ldi, u yerda ispaniyalik barcha turnirlarda 134 ta o‘yinda qatnashib, 26 ta gol va 25 ta golli uzatmani amalga oshirdi. Inyestaning so‘nggi klubi BAAning “Emireyts” jamoasi bo‘lgan.
Ispaniya terma jamoasi tarkibida Inyesta ikki marta Yevro va jahon chempioni bo‘ldi.
