Londonning "Vest Xem" klubida o‘ynayotgan braziliyalik futbolchi Lukas Paketa o‘tgan yili Sandro Tonali kabi – pul tikish qoidalari tufayli diskvalifikasiya qilinishi mumkin.
Ammo Tonalidan farqli o‘laroq, Paketani jiddiyroq jazo kutmoqda - futbolchi Angliyada umrbod diskvalifikasiyaga uchrashi mumkin.
Futbol assosiasiyasi allaqachon tergov boshlagan va sakkiz hafta davomida futbolchining telefonini o‘rganmoqda, deya xabar beradi The Sun.
Mish-mishlarga ko‘ra, gap 2022 yil noyabridan 2023 yil avgustigacha bo‘lgan davr haqida ketmoqda. Biroq, agar qaror qabul qilinsa, bu katta ehtimol bilan mavsum yakunlanganidan keyin bo‘ladi.
