Ispaniya terma jamoasi Millatlar ligasining pley-off bosqichiga chiqdi.
Luis de la Fuente shogirdlari guruh bosqichining 4-turida Serbiyani 3:0 hisobida mag‘lub etishdi.
Musobaqaning amaldagi g‘oliblari 4 turdan keyin 10 ochko jamg‘arib, Millatlar ligasi A divizionining 4-guruhini peshqadamlik qilmoqda. Daniya 7 ochko bilan ikkinchi, Serbiya 4 ochko bilan uchinchi o‘rinda.
Ispanlar kuchli 2 talikdan joy olishni kafolatlashdi: agar Serbiya bilan ochkolar teng bo‘lsa, shaxsiy uchrashuvlar natijasiga ko‘ra (0:0, 3:0) yuqori o‘rinni egallaydi.
