«PSJ»ning argentinalik sobiq yarim himoyachisi Xavyer Pastore klubdagi faoliyatini esladi.
U Zlatan Ibrahimovichni eng yaxshi jamoadoshi deb atadi - uning so‘zlariga ko‘ra, u bilan maydonda ajoyib umumiy til topishgan:
"Ibrahimovich bilan ko‘z yumib umumiy til topishardik. Umuman olganda, Messidan tashqari Zlatan men bilan birga maydonga tushgan eng yaxshi futbolchi edi.
Shuningdek, men markaziy hujumchi sifatida Kavanini juda hurmat qilaman. Neymarni alohida ta’kidlashim kerak, u hech kimning qo‘lidan kelmaydigan ishlarni qilishga qodir. Juda ijodiy o‘yinchi", - deya Pastorening so‘zlarini keltirmoqda pianetamilan.it.
