"Barselona" yarim himoyachisi Pedri jamoadoshi Gavi maydonga qaytganidan so‘ng o‘z quvonchini yashirmadi.
20 yoshli futbolchi xoch bog‘lami yirtilgani uchun deyarli bir yil maydonga tushmadi. La Liganing bugungi o‘yinida u 83-daqiqada zaxiradan maydonga tushib, maydonda Pedri o‘rnini egalladi.
"Men Gavi bilan juda faxrlanaman, u qattiq mehnat qildi. Muxlislar uni qanchalik sevishini ko‘rishingiz mumkin. Biz ham uni sevamiz. Men u uchun xursandman, u bunga loyiq", dedi Pedri o‘yindan keyin OAV vakillari bilan suhbatda.
