"Barselona"ning sobiq futbolchisi, hozirda "Inter Mayami"da o‘ynayotgan Jordi Alba Lamin Yamalning muvaffaqiyatini yuqori baholadi.
"Men "Barsa"da bo‘lganimda Yamal allaqachon asosiy jamoa bilan mashg‘ulot o‘tkazgan va hatto "Betis"ga qarshi o‘yinda debyut qilgandi.
Shubhasiz, u o‘shandan beri yuksaldi, lekin u endi 17 yoshda va aqldan ozdiradigan darajada kuchli. Uni qo‘llab-quvvatlash kerak va "Barselona" buni yaxshi bajarmoqda.
Sabr qilaylik, uni Messi yoki boshqa birov bilan solishtirmaylik. Oxir oqibat, Leo - Leo, unga o‘xshash o‘yinchilar yo‘q.
Biroq, Lamin shunday yosh futbolchi uchun qiyin rol o‘ynab, ajoyib mavsumni o‘tkazmoqda. Buni qadrlash kerak.
Umid qilamanki, u rivojlanishda davom etadi va o‘yindan zavq oladi", - dedi Alba Marca nashriga bergan intervyusida.
