Qayd etilishicha, “Arsenal” sardori Martin Edegor tez orada mashg‘ulotlarga qaytishi mumkin. Futbolchining taxminiy tiklanish vaqti ma’lum.

"Arsenal"ning 25 yoshli yarim himoyachisi Martin Edegor to‘pig‘idan olgan jarohatidan tiklanishda davom etmoqda. Hozircha, "kanonirlar"ning hujumkor yarim himoyachisi shu haftada jamoa bilan mashg‘ulotlarga qaytishi mumkinligi ma’lum. Biroq, uning keyingi o‘yinda jamoaga kira oladimi yoki yo‘qmi, hozircha nomalum.

Oldinroq Norvegiya terma jamoasi bosh murabbiyi Stole Solbakken navbatdagi xalqaro tanaffusda Martin Edegorga umid bog‘lashini aytgandi. Shunga qaramay, uning noyabr oyi boshlanishidan oldin "Arsenal"da o‘ynay olishiga ishonch ortib bormoqda, ammo yakuniy so‘zni murabbiy Mikel Arteta aytadi.

Eslatib o‘tamiz, Martin Edegor sentyabr oyi boshida Norvegiya terma jamoasining Avstriyaga qarshi o‘yinda Millatlar ligasi o‘yinida to‘pig‘idan jarohat olib, klub va terma jamoa uchun keyingi barcha o‘yinlarni o‘tkazib yuborgan edi.