Kecha eng yaxshi futbolchi o‘tgan mavsumdagi o‘yinlari natijalariga ko‘ra taqdirlandi. Natijada “Oltin to‘p”ni “Manchester Siti” yarim himoyachisi Rodri qo‘lga kiritdi va bu sovrin uchun kurashda “Real” futbolchilari Vinisius va Jud Bellingemni ortda qoldirdi. 28 yoshli “shaharliklar” futbolchisi uchun bu alohida mukofot, chunki u bu mavsumda jarohati tufayli maydonga tusha olmagan va “Oltin to‘p”ni qo‘lga kiritgach, bu sovrinni aynan kimga bag‘ishlashini aytdi.

"Men, oilam va mamlakatim uchun juda muhim kun. Bugungi g‘alaba men uchun emas, balki ispan futboli, g‘alaba qozona olmagan, lekin bunga loyiq ko‘plab futbolchilar uchun, masalan, Andres Inyesta, Xavi, Iker Kasilyas, Serxio Buskets va boshqa ko‘plar bu ispan futboli va yarim himoyachining figurasi uchun", - dedi Rodri BBC bilan suhbatda.

Eslatib o‘tamiz, Rodri "Manchester Siti" tarkibida o‘tgan mavsumda Premyer-liga, UYEFA Superkubogi, klublar o‘rtasidagi jahon chempionatida g‘olib chiqqan, shuningdek, Ispaniya terma jamoasi bilan Yevro-2024da g‘olib chiqqan.