«Real»dagilarning barchasiga ham Florentino Peresning Parijga uchmaslik qarori yoqmadi.

"Relevo" nashrining ta’kidlashicha, «Oltin to‘p»ni Vinisius Junior va hatto Dani Karvaxal ham qo‘lga kiritmasligi ma’lum bo‘lgach, «qaymoqranglilar»ning 77 yoshli prezidenti "France Football" mukofotini topshirish marosimiga bormaslik haqida yakka o‘zi qaror qabul qildi.

Peresning pozisiyasi klubdan hech kim Parijdagi tadbirga bormasligini anglatardi. So‘nggi bo‘lib «Real»ning institusional aloqalar bo‘yicha direktori Emilio Butragenyo marosimga borishdan voz kechdi. Butun delegasiyaning safari bekor qilinganidan so‘ng, u klubning yagona vakili bo‘lishi kutilayotgan edi.

Parijga safar qilmaslik «Real»ning barcha a’zolari - o‘yinchilardan va murabbiylardan tortib menejerlarigacha - tomonidan qo‘llab-quvvatlandi. Hammasi mukofot tashkilotchilarining «adolatsiz» qarori munosabati bilan Vinisiusga hamdardlik bildirmoqchi edi.

Shu bilan birga, turli sabablarga ko‘ra prezident qaroriga qo‘shilmaganlar ham ko‘p bo‘lgani aytiladi - «Madrid»dagi ba’zi odamlar «Shatlye» teatridagi marosimga borishni xohlashgan. Klubning ba’zi vakillari odob saqlash uchun bu qarorga e’tiroz bildirmagan.