"Manchester Siti" futbolchisi Savio yaqin orada jamoaga yordam bermaydi.

Braziliyalik futbolchi Liga kubogi doirasida "Tottenxem"ga qarshi o‘yinda (1:2) jarohat olgandi. 20 yoshli futbolchi ikkinchi bo‘limda maydondan zambilda olib ketildi, ammo u jiddiy jarohatdan qutulib qolgan ko‘rinadi.

City Zone xabariga ko‘ra, Savio to‘pig‘i cho‘zilgani sababli bir-ikki haftani o‘tkazib yuboradi. Taxminlarga ko‘ra, vinger noyabr oyidagi o‘yinlarda Braziliya terma jamoasida o‘ynay oladi, biroq u shanba kungi APL doirasidagi "Bornmut" bilan uchrashuvni o‘tkazib yuborishi aniq.

Savio ushbu mavsumda "Manchester Siti" safida 13 ta o‘yinda maydonga tushib, 5 ta golga assistentlik qildi.