"Манчестер Сити" футболчиси Савио яқин орада жамоага ёрдам бермайди.
Бразилиялик футболчи Лига кубоги доирасида "Тоттенхэм"га қарши ўйинда (1:2) жароҳат олганди. 20 ёшли футболчи иккинчи бўлимда майдондан замбилда олиб кетилди, аммо у жиддий жароҳатдан қутулиб қолган кўринади.
City Zone хабарига кўра, Савио тўпиғи чўзилгани сабабли бир-икки ҳафтани ўтказиб юборади. Тахминларга кўра, вингер ноябрь ойидаги ўйинларда Бразилия терма жамоасида ўйнай олади, бироқ у шанба кунги АПЛ доирасидаги "Борнмут" билан учрашувни ўтказиб юбориши аниқ.
Савио ушбу мавсумда "Манчестер Сити" сафида 13 та ўйинда майдонга тушиб, 5 та голга ассистентлик қилди.
