Bunday natijani ko‘pchilik kutmagandi, ammo Lissabonning “Sporting” jamoasi Chempionlar ligasida “Manchester Siti”ni 4:1 hisobida mag‘lub etdi. Shvesiyalik Viktor Dyokeresh xet-trik qayd etgan bo‘lsa, norvegiyalik Erling Xoland penaltini amalga oshira olmadi.
O‘yin oldidan ijtimoiy tarmoqlardagi Chempionlar ligasi sahifasida skandinaviyalik hujumchilar o‘rtasidagi duyel qizg‘in kechdi. Unda Dyokeresh va Xolandning klublar va terma jamoalar safida joriy mavsumda urgan gollari soni haqida ma’lumot berilgan (shvedda 22, norvegiyalikda 17).
O‘yindan so‘ng Shvetsiya futbol assosiasiyasi ma’lumotlarni qayta joylashtirdi va yangiladi: Dyokeresh - 25, Xoland - 17. Shvetsiyaliklar o‘z to‘purari mavsumdagi ko‘rsatkich bo‘yicha "Manchester Siti" yulduzidan yaxshiroq ekanligidan xursand.
