Portugaliyaning "Sporting" klubi prezidenti Frederiko Varandas keyingi transfer oynasida Viktor Dyokereshning transferi bilan bog‘liq vaziyat haqida fikr bildirdi.
"Men hech narsa va’da qila olmayman, agar biron bir klub o‘yinchini sotib olish variantini faollashtirishga tayyor bo‘lsa va agar Dyokeresh ham ketishni istasa, u ketadi.
Biroq, bu yanvarda sodir bo‘ladi deb o‘ylamayman" - deya qo‘shimcha qildi u.
Eslatib o‘tamiz, Viktor Dyokereshga 60-70 million yevrolik taklif tushsa, klubni tark etishiga ruxsat beriladi. Angliya klublari, jumladan, "Manchester Siti", "Arsenal", "Liverpul", "Chelsi" va "Manchester Yunayted" uni qo‘lga kiritishga jiddiy qiziqish bildirmoqda. Avvalroq, 26 yoshli hujumchiga "Bavariya" qiziqayotgani ham xabar qilingandi.
