Португалиянинг "Спортинг" клуби президенти Фредерико Варандас кейинги трансфер ойнасида Виктор Дьёкерешнинг трансфери билан боғлиқ вазият ҳақида фикр билдирди.

"Мен ҳеч нарса ваъда қила олмайман, агар бирон бир клуб ўйинчини сотиб олиш вариантини фаоллаштиришга тайёр бўлса ва агар Дьёкереш ҳам кетишни истаса, у кетади.

Бироқ, бу январда содир бўлади деб ўйламайман" - дея қўшимча қилди у.

Эслатиб ўтамиз, Виктор Дьёкерешга 60-70 миллион евролик таклиф тушса, клубни тарк этишига рухсат берилади. Англия клублари, жумладан, "Манчестер Сити", "Арсенал", "Ливерпуль", "Челси" ва "Манчестер Юнайтед" уни қўлга киритишга жиддий қизиқиш билдирмоқда. Аввалроқ, 26 ёшли ҳужумчига "Бавария" қизиқаётгани ҳам хабар қилинганди.