Fransiya terma jamoasi bosh murabbiyi Didye Desham Isroil bilan durang haqida gapirdi.
Millatlar ligasi guruh bosqichining 5-turidan o‘rin olgan uchrashuv 0:0 hisobida yakunlandi.
"Pley-offga chiqish yagona ijobiy narsami? Ha, lekin biz yaxshiroq harakat qila olardik. Vaqti-vaqti bilan to‘xtab qolgan uyushgan raqibga gol ura olmadik... Bizga samaradorlik yetishmadi, o‘yinni hotirjam va yetarlicha energiya bilan boshlagan bo‘lsak-da, imkoniyatlar bo‘ldi. Ikkinchi bo‘limda biz yaxshiroq harakat qildik, ammo...
Isroilliklar vaqtni atayin cho‘zdimi? Darvozabon kerakli narsani qildi. Ular himoyada uyushqoqlik bilan o‘ynashdi va vaqt o‘tkazishdi... Bugun hatto bir soatlik sof o‘yin vaqti yig‘ilib qolganmi yoki yo‘qmi, bilmayman. Agar hisob ochganimizda, ular uchun vaziyat boshqacha bo‘lardi. Bizda to‘p bor edi, uni nazorat qildik, o‘yin davomida ularda yarim imkoniyat bo‘ldi.
Yil boshidan beri 4 ta 0:0 hisobi? Biz ketma-ket 3 ta g‘alabaga erishdik. O‘z uyimizdagi 0:0 hisobidagi durangdan so‘ng xursand bo‘lib sakrab o‘tirmayman, xoh Isroilga, xoh boshqasiga qarshi. Pley-offga chiqishga kelsak, bu biz qila oladigan ish", - dedi Desham.
