"Barselona" bosh murabbiyi Xans-Diter Flik jamoaning yosh hujumchisi Pau Viktor haqida qanday fikrda ekanligi ma’lum bo‘ldi.
Diario Sport nashri xabariga ko‘ra, Viktor bo‘lajak o‘yinlarda Flik tomonidan ko‘proq imkoniyatga ega bo‘ladi. Qayd etilishicha, germaniyalik mutaxassis 22 yoshli ispaniyalik futbolchiga umid qilmoqda va uni yanvarda ijaraga bermoqchi emas.
Eslatib o‘tamiz, "Barselona" Viktorni shu yilning iyul oyida sotib olgandi. Kataloniyaliklar tarkibida u barcha turnirlarni hisobga olgan holda 11 uchrashuvda qatnashib, bitta gol urdi va bitta golli uzatma muallifiga aylandi.
Ispaniya chempionatining 14-turida “Barselona” safarda “Selta” mehmoni bo‘ladi. Jamoalar o‘rtasidagi o‘yin 23 noyabr kuni bo‘lib o‘tadi.
