"Tottenxem" yarim himoyachisi Jeyms Meddison o‘z tug‘ilgan kunida "Manchester Siti" darvozasiga urgan 2 ta golidan so‘nggi his-tuyg‘ularini bayon qildi. Angliyalik futbolchining so‘zlariga ko‘ra, bu kun u uchun unutilmas bo‘ladi:

"Bu tug‘ilgan kunni men albatta iliq xotiralar bilan eslayman. Chempionlar bilan bahslashish, shunday o‘yin ko‘rsatish va natijaga erishish – buni qadrlash kerak, chunki bunday holatlar kamdan-kam sodir bo‘ladi".

Meddison o‘z jamoadoshlarini ham maqtab o‘tdi, ular "shaharliklar"ga qarshi juda yaxshi o‘yin ko‘rsatishganini ta’kidladi:  

"Menimcha, biz ajoyib o‘yin ko‘rsatdik. Hamma xohlaganimizni amalga oshirdik. Samarali harakat qildik, burchaklarni kesdik, doimo bosim o‘tkazdik. Biz bosimga chidamli bo‘lib, jasorat va qat’iyat ko‘rsatdik hamda ajoyib to‘rtta gol urdik," – dedi Jeyms.  

Shuni ham ta’kidlash kerakki, hujumkor yarim himoyachi 2016 yildan beri tug‘ilgan kunida gol urgan birinchi "Tottenxem" o‘yinchisiga aylandi. 8 yil oldin buni Kristian Eriksen amalga oshirgan bo‘lib, u ham "Manchester Siti" darvozasini ishg‘ol etgan edi.