Lukas Vaskes Chempionlar ligasida "Real"ning "Liverpul"dan uchralgan mag‘lubiyatidan so‘ng o‘z fikrlarini bildirib o‘tdi.

Madridliklar umumiy bosqich 5-turidan o‘rin olgan mehmonda 0:2 hisobida mag‘lub bo‘ldi. 61-daqiqada 0:1 hisobida Kilian Mbappe penaltini aniq amalga oshira olmadi - uning zarbasini darvozabon Kivin Kellexer qaytardi.

"Yo‘qotish har doim og‘riq keltiradi. Bu raqobatli o‘yin bo‘ldi va jamoa ba’zida yaxshi edi. Uchrashuv natijasi maydonning so‘nggi uchdan bir qismida hal bo‘ldi, bu yerda raqiblar bizdan sovuqroq edi. Bu bizga g‘alaba qozonishimizga imkon bermadi.

Jamoa o‘yinchilaridan biri jarohat olsa, bu har doim yomon xabar bo‘ladi, lekin biz bu haqda deyarli hech narsa qila olmaymiz. Biz bunga o‘rganib qolganmiz. Bu jamoa qiyinchiliklarga bardosh berdi va biz katta g‘alabalarga qaytamiz.

Biz har doim Mbappeni qo‘llab-quvvatlaymiz. U yuqori saviyali futbolchi va buni yillar davomida isbotlab berdi. U hozir biz bilan ekanligidan xursandmiz. U jahon darajasidagi futbolchi, buni isbotlaydi. Butun jamoa uni har narsada qo‘llab-quvvatlashga harakat qilmoqda", - dedi "Real" futbolchisi.