"Liverpul" hujumchisi Kodi Gakpo klub saytiga bergan yangi intervyusida Angliya chempionatida "Manchester Siti"ga qarshi navbatdagi o‘yin haqida o‘z fikrlari bilan o‘rtoqlashdi.

"Biz so‘nggi bir necha yil davomida futbolda hukmronlik qilgan Yevropaning eng yaxshi jamoalaridan biriga qarshi o‘ynaymiz. Bu biz uchun ularga nima qila olishimizni ko‘rsatish uchun ajoyib imkoniyat va biz shunday qilishni rejalashtirganmiz", dedi Kodi.

Kodi Gakponing aytishicha, Arne Slott qo‘l ostidagi jamoani ajoyib tarzda mavsumni boshlaganini hisobga olib, uzoqqa qarashning hojati yo‘q. Jamoadagi hamma xotirjamlikni saqlab, ishlashda davom etmoqda.

APL 13-turidan o‘rin olgan “Liverpul” – “Manchester Siti” uchrashuvi shu yakshanba, 1 dekabr kuni “Enfild”da bo‘lib o‘tadi.