"Ливерпуль" ҳужумчиси Коди Гакпо клуб сайтига берган янги интервьюсида Англия чемпионатида "Манчестер Сити"га қарши навбатдаги ўйин ҳақида ўз фикрлари билан ўртоқлашди.
"Биз сўнгги бир неча йил давомида футболда ҳукмронлик қилган Европанинг энг яхши жамоаларидан бирига қарши ўйнаймиз. Бу биз учун уларга нима қила олишимизни кўрсатиш учун ажойиб имконият ва биз шундай қилишни режалаштирганмиз", деди Коди.
Коди Гакпонинг айтишича, Арне Слотт қўл остидаги жамоани ажойиб тарзда мавсумни бошлаганини ҳисобга олиб, узоққа қарашнинг ҳожати йўқ. Жамоадаги ҳамма хотиржамликни сақлаб, ишлашда давом этмоқда.
АПЛ 13-туридан ўрин олган “Ливерпуль” – “Манчестер Сити” учрашуви шу якшанба, 1 декабрь куни “Энфилд”да бўлиб ўтади.
