Doneskning “Shaxtyor” klubining hujumkor yarim himoyachisi Georgiy Sudakov faoliyatini Ispaniya chempionatida davom ettirishi mumkin, bu haqda ukrainalikning o‘zi yaqinda ijobiy fikr bildirgan edi.

Ma’lumotlarga ko‘ra, "Atletiko Madrid" rahbariyati yarim himoya chizig‘ini kuchaytirmoqchi va Sudakov ular uchun ideal variant bo‘lishi mumkin.

22 yoshli Sudakovning Donesk klubi bilan shartnomasi 2028 yilgacha mo‘ljallangan. Qayd etilishicha, “Shaxtyor” ukrainalik futbolchini 50 million yevro evaziga “Atletiko”ga qo‘yib yuborishga tayyor.

Joriy mavsumda Georgiy Sudakov “Shaxtyor” safida barcha turnirlar doirasida 19 ta o‘yinda ishtirok etib, 8 ta gol va 3 ta golli uzatmaga mualliflik qildi.