Донецкнинг “Шахтёр” клубининг ҳужумкор ярим ҳимоячиси Георгий Судаков фаолиятини Испания чемпионатида давом эттириши мумкин, бу ҳақда украиналикнинг ўзи яқинда ижобий фикр билдирган эди.
Маълумотларга кўра, "Атлетико Мадрид" раҳбарияти ярим ҳимоя чизиғини кучайтирмоқчи ва Судаков улар учун идеал вариант бўлиши мумкин.
22 ёшли Судаковнинг Донецк клуби билан шартномаси 2028 йилгача мўлжалланган. Қайд этилишича, “Шахтёр” украиналик футболчини 50 миллион евро эвазига “Атлетико”га қўйиб юборишга тайёр.
Жорий мавсумда Георгий Судаков “Шахтёр” сафида барча турнирлар доирасида 19 та ўйинда иштирок этиб, 8 та гол ва 3 та голли узатмага муаллифлик қилди.
