"Liverpul" bosh murabbiyi Arne Slot APL doirasida "Manchester Siti"ga qarshi o‘yinda (2:0) g‘alaba qozonganidan so‘ng o‘z taassurotlari bilan o‘rtoqlashdi.
"Bu deyarli mukammal o‘yin bo‘ldi. Ko‘p vaziyatlarni qo‘ldan boy berdik, shuning uchun yakunda oson bo‘lmadi. Balki bunday o‘yinlarda shunday bo‘lishi kerakdir, lekin ikkinchi golni ertaroq kiritganimiz ma’qulroq bo‘lardi.
Biz har doim yuqori bosim ostida bo‘lamiz, ammo "Manchester Siti" bosim ostida hujumlar uyushtirishda zo‘r, shuning uchun biz qattiq ishlashimiz kerak edi. Futbolchilarimizda kuch yetarli edi. Muxlislar ham o‘zlarini hayratlanarli darajada ko‘rsatishdi", — dedi Slot Sky Sports nashriga bergan intervyusida.
