"Manchester Siti" himoyachisi Ruben Diash mavsumdagi halokatli davom etgan vaziyatda jamoa muxlislariga murojaat qildi.
“Muxlislarimizga aytmoqchimanki, tashqi shovqinga e’tibor bermang. O‘yinchilaringizni himoya qiling. Birgalikda bo‘lsak, hammaga qarshi chiqa olamiz. Birlashsak, chiqish yo‘lini topamiz. Hamma narsa har doim o‘z nihoyasiga yetadi", - deb yozdi futbolchi.
Eslatib o‘tamiz, “Manchester Siti” ketma-ket oltita mag‘lubiyat alamini totib ko‘rdi. Oxirgi o‘yinda Xosep Gvardiola shogirdlari mehmonda "Liverpul" bilan uchrashdi. Uchrashuv 0:2 hisobida “shaharliklar”ning mag‘lubiyati bilan yakunlandi.
