"Manchester Siti" himoyachisi va sardori Kayl Uolker jamoaning yomon natijalari fonida bayonot berdi. Oxirgi yetti uchrashuvda “shaharliklar” bir marta durang o‘ynab, olti marta mag‘lub bo‘lishdi.
"Oxirgi chiqishlarimiz kutilgan talablarga javob bermaganini bilamiz. Ammo biz allaqachon bunday sinovlarni birga boshdan kechirganmiz va biz buni yengib o‘tamiz. Muhimi, biz “Manchester Siti” kabi bir klub sifatida ushbu qiyin davrda hamjihatlikni saqlab qolishimiz lozim. Sizning yordamingiz biz uchun hamma narsani anglatadi.
Biz so‘nggi mavsumlarda chempionlikni qo‘lga kiritdik, 100 ochko bilan rekord o‘rnatdik. Qiyinchilikni yengishimiz mumkinligini ko‘p marta ko‘rsatdik va biz buni yana qilamiz. Sizga va’da beraman, biz oxirigacha kurashamiz", - dedi Uolker.
