"Manchester Yunayted" o‘z uyida "Nottingem Forest"ga qarshi o‘yinda mag‘lub bo‘ldi (2:3).
Bu "qizil iblislar"ning chempionatdagi ketma-ket ikkinchi mag‘lubiyati. "O‘rmonchilar" bilan muvaffaqiyatsiz uchrashuvdan oldin Ruben Amorim jamoasi "Arsenal"ga (0:2) yutqazdi, avvalroq esa "Everton"ni (4:0) mag‘lub etib, "Ipsvich" bilan ochkoni bo‘lishdi (1:1). Shunday qilib, "Yunayted" APLda portugaliyalik boshchiligidagi dastlabki to‘rtta o‘yindan so‘ng to‘rtta ochkoni qo‘lga kiritdi - Erik ten Xagning dastlabki to‘rtta o‘yinida jamoa olti ochko olgan edi.
Niderlandiyalik murabbiy "Brayton" (1:2) va "Brentford"dan (0:4) mag‘lub bo‘lgandi, ammo keyin u mankunliklarni "Liverpul" (2:1) va "Sautgempton" (1:0) ustidan g‘alabaga boshlagandi.
