"Arsenal" bosh murabbiyi Mikel Arteta yarim himoyachi Maylz Lyuis-Skellining o‘yini haqida o‘z fikrlari bilan o‘rtoqlashdi.
18 yoshli angliyalik 2011 yildan beri "kanonirlar"ni Chempionlar ligasi o‘yinida asosiy tarkibda maydonga tushgan eng yosh futbolchiga aylandi. Yosh yarim himoyachi 64-daqiqagacha o‘ynab, jamoasining "Monako"ni mag‘lub etishiga (3:0) yordam berdi.
"18 yoshida Chempionlar ligasida debyut qilgan Maylz haqida bir necha so‘z aytmoqchiman. Bu muhim nuqta. Menga uning jasorati, o‘z pozisiyasini tanlay olishi, to‘p bilan harakatlanishi yoqadi. U bizdan biri va uni yorqin kelajak kutmoqda.
Yosh futbolchilar asosiy tarkibga tushib qolsa, xursand bo‘lishimiz kerak. Kimgadir hayotini o‘zgartirishga yordam berish juda yoqimli tuyg‘udir", dedi Arteta.
