"Арсенал" бош мураббийи Микель Артета ярим ҳимоячи Майлз Льюис-Скеллининг ўйини ҳақида ўз фикрлари билан ўртоқлашди.

18 ёшли англиялик 2011 йилдан бери "канонирлар"ни Чемпионлар лигаси ўйинида асосий таркибда майдонга тушган энг ёш футболчига айланди. Ёш ярим ҳимоячи 64-дақиқагача ўйнаб, жамоасининг "Монако"ни мағлуб этишига (3:0) ёрдам берди.

"18 ёшида Чемпионлар лигасида дебют қилган Майлз ҳақида бир неча сўз айтмоқчиман. Бу муҳим нуқта. Менга унинг жасорати, ўз позициясини танлай олиши, тўп билан ҳаракатланиши ёқади. У биздан бири ва уни ёрқин келажак кутмоқда.

Ёш футболчилар асосий таркибга тушиб қолса, хурсанд бўлишимиз керак. Кимгадир ҳаётини ўзгартиришга ёрдам бериш жуда ёқимли туйғудир", деди Артета.