Kecha Angliya Premyer-ligasi doirasida bo‘lib o‘tgan uchrashuvda "Nottingem Forest" o‘z maydonida "Aston Villa"ni 2:1 hisobida mag‘lub etdi. “O‘rmonchilar” uchrashuv so‘nggida hal qiluvchi gollarni kiritishdi.

Gollardan biri ikkinchi bo‘limga qo‘shib berilgan vaqtda kiritildi. "Nottingem" uchun bu jamoaning Premyer-ligadagi o‘yinlari tarixida 90-daqiqadan so‘ng kiritilgan ikkinchi g‘alaba goli bo‘ldi.

Birinchisi 1995 yil oktyabr oyida bo‘lgan. O‘shanda jamoa "Bolton"ni mag‘lub etishga muvaffaq bo‘lgan.

"Nottingem Forest" hozirda to‘rtinchi o‘rinni egallab turibdi. Ikkinchi "Chelsi" bilan oradagi farq uch ochkoni tashkil etadi.