Кеча Англия Премьер-лигаси доирасида бўлиб ўтган учрашувда "Ноттингем Форест" ўз майдонида "Астон Вилла"ни 2:1 ҳисобида мағлуб этди. “Ўрмончилар” учрашув сўнггида ҳал қилувчи голларни киритишди.
Голлардан бири иккинчи бўлимга қўшиб берилган вақтда киритилди. "Ноттингем" учун бу жамоанинг Премьер-лигадаги ўйинлари тарихида 90-дақиқадан сўнг киритилган иккинчи ғалаба голи бўлди.
Биринчиси 1995 йил октябрь ойида бўлган. Ўшанда жамоа "Болтон"ни мағлуб этишга муваффақ бўлган.
"Ноттингем Форест" ҳозирда тўртинчи ўринни эгаллаб турибди. Иккинчи "Челси" билан орадаги фарқ уч очкони ташкил этади.
