Ispaniya Qirollik futbol federasiyasining yangi prezidenti saylandi.

RFEF rahbari lavozimini galisiyalik Rafael Lusan egallaydi. Uning vakolatlari 2028 yilgacha davom etadi.

AS nashriga ko‘ra, Lusan nomzodini Assambleyaning 90 nafar a’zosi qo‘llab-quvvatlagan, Lusanning raqibi Salvador Gomar 43 ovoz olgan. Uchinchi nomzod Serxio Merchan ovoz berishdan biroz oldin o‘z nomzodini qo‘ygan. Shuningdek, saylovoldi tashviqoti davomida Luzanani La Liga prezidenti Xavyer Tebas qo‘llab-quvvatlagani xabar qilingan.

Qayd etilishicha, Lusan lavozimidan chetlatilishi mumkin, chunki unga nisbatan davlat lavozimini egallashga ruxsat bermaydigan hukm chiqarilgan – funksioner avvalroq Moranjadagi futbol maydonini rekonstruksiya qilish uchun ajratilgan grantni o‘g‘irlaganlikda aybdor deb topilgan. Lusan hukm ustidan Ispaniya Oliy sudiga shikoyat qildi va fevral oyida apellyasiya ustidan qaror chiqarishi kutilmoqda.

Eslatib o‘tamiz, federasiyaning avvalgi prezidenti Pedro Rocha iyul oyida o‘z vakolatini suiiste’mol qilgani uchun 2 yilga futboldan chetlashtirilgan edi – bu uning saylanganidan 3 oy o‘tib sodir bo‘ldi.