Saudiyaning "An-Nasr" klubi hujumchisi Krishtianu Ronaldu "Manchester Siti"ga o‘tishga tayyor.
2021 yilda Ronaldu "Manchester Siti"ga o‘tish arafasida edi, biroq ushbu transfer amalga oshmay qolgandi.
Evening Standard nashri xabariga ko‘ra, 39 yoshli portugaliyalik futbolchi hali ham o‘yin inqirozini yengib o‘tish uchun yanvar oyida o‘z tarkibini kuchaytirishga umid qilayotgan "Manchester Siti"ga o‘tishi mumkin.
"Men "Manchester Siti"ga qo‘l cho‘zishga tayyormanmi? Nima bo‘lishini hech qachon bilmaysiz.
Jamoalarda turli vaziyatlar bo‘ladi. Og‘ir vaqtlar, yaxshi vaqtlar... "Manchester Siti" qiyin damlarni boshdan kechirmoqda, ammo ularning qaytishiga 100 foiz ishonaman.
Menimcha, katta jamoalar va katta futbolchilar muammo nimada va qayerda ekanligini tushunish uchun yetarlicha aqlli.
Ularning qaytishiga 100 foiz ishonchim komil. Gvardiola juda aqlli murabbiy. U muammo qayerdan kelganini biladi. Ular yaxshi bo‘ladi", - dedi Ronaldu Globe Soccer Awards marosimida.
