"Liverpul" vingeri Muhammad Saloh "PSJ" bilan klubga o‘tish borasida muzokaralar olib bormoqda, garchi Parij klubi avvalroq misrlik futbolchi bilan muzokaralar jarayoni borligini inkor etgan bo‘lsa-da. Bu haqda jurnalist Santi Auna o‘zining ijtimoiy tarmog‘ida xabar berdi.
Manbaga ko‘ra, 32 yoshli hujumchi uchun ustuvor vazifa "Liverpul" bilan kelasi yozda tugaydigan shartnomasini uzaytirish bo‘lib qolmoqda. Shuningdek, Saloh Saudiya Arabistoni klublari bilan muzokaralarni to‘xtatgani ta’kidlangan.
Avvalroq misrlik futbolchi "mersisaydliklar" bilan yangi mehnat shartnomasini muhokama qilishda hozircha muvaffaqiyatga erishmaganini aytgandi.
