"Ливерпуль" вингери Муҳаммад Салоҳ "ПСЖ" билан клубга ўтиш борасида музокаралар олиб бормоқда, гарчи Париж клуби аввалроқ мисрлик футболчи билан музокаралар жараёни борлигини инкор этган бўлса-да. Бу ҳақда журналист Санти Ауна ўзининг ижтимоий тармоғида хабар берди.

Манбага кўра, 32 ёшли ҳужумчи учун устувор вазифа "Ливерпуль" билан келаси ёзда тугайдиган шартномасини узайтириш бўлиб қолмоқда. Шунингдек, Салоҳ Саудия Арабистони клублари билан музокараларни тўхтатгани таъкидланган.

Аввалроқ мисрлик футболчи "мерсисайдликлар" билан янги меҳнат шартномасини муҳокама қилишда ҳозирча муваффақиятга эришмаганини айтганди.