"Paxtakor"ning birinchi kungi mashg‘ulotlari o‘z yakuniga yetdi. "Sherlar" Antalyadagi dastlabki mashg‘ulot kunini ikkiga bo‘lib o‘tkazdi. Ertalab zalda ishlandi. Kechga yaqin esa maydonda. Dekabr oyining boshida tanaffusga chiqqan jamoa, oradan 1 oy o‘tib yana maydonda jam bo‘ldi.
Yoshlar terma jamoasi tarkibidagi 3 futbolchidan 2 nafari - Abdullayev va Saidnurullayev bugun yetib keldi. O‘rinboyevda kichik jarohat bor. Ertaga Iroq MTJ sardori mashg‘ulotlarga qo‘shiladi.
Mahalliy murabbiylardan Pavel Bugalo va Yuriy Siyanov o‘z o‘rnida qolgan. Ularning qatoriga yosh iste’dodli murabbiy Timur Galeev qo‘shilgan. Qolgan shtab a’zolari Moreyra bilan kelgan.
