"Jenoa"ning 34 yoshli hujumchisi Mario Balotelli Patrik Viyeyra bosh murabbiy etib kelganidan so‘ng klubda kam o‘yin o‘tkazayotgani haqida bayonot berdi.
"Aniq aytmoqchimanki, men butunlay sog‘lomman va Xudoga shukur, menda hech qanday muammo yo‘q. Agar o‘tmishda xuddi shunday vaziyatlarda bo‘lgani kabi, kelajakda ahmoqona narsa aytilgan taqdirda sizni bu haqda ogohlantiraman. Hammani o‘pib qolaman va olg‘a "Jenoa", - deb yozdi Balotelli ijtimoiy tarmoqlardagi sahifasida.
Balotelli "Jenoa"ga oktyabr oyi oxirida erkin agent sifatida qo‘shilgan edi. Bu davrda 34 yoshli futbolchi A Seriyaning oltita uchrashuvida qatnashdi.
