"Manchester Siti" yarim himoyachisi Rodri Ernandes tizzaning xoch bog‘lamidan jarohat olganidan so‘ng uni qanday davolayotganini aytdi.
"Psixologik jihatdan men o‘ylaganimdan ancha yaxshiroq ekanman. Og‘riq borasida esa, xuddi men tasavvur qilganimdek bo‘ldi. Birinchi oy juda og‘ir kechdi, ammo ruhiy jihatdan kutganimdan yaxshiroq edi. Men yana o‘ynashga bo‘lgan istak va shunga o‘xshash narsalarni nazarda tutyapman. O‘zimni ancha yaxshi his qilyapman. Tananing dam olishi foydali bo‘ldi deb o‘ylayman. Bu jarohat tufayli emas, boshqa sabablarga ko‘ra. Odatda hayotimizda uchramaydigan boshqa narsalardan zavqlanishga harakat qilyapman", - dedi Rodri.
