"Real" bosh murabbiyi Karlo Anchelotti hujumchi Endrikning ijaraga o‘tishini ma’qulladi. Bu haqda «TodoFichajes» portali o‘z sahifalarida xabar berdi. Madrid klubi 18 yoshli braziliyalik futbolchining muntazam o‘yin vaqtiga ega bo‘lishini va rivojlanishda davom etishini istamoqda. Buning uchun Endrik hozirgi bosqichda kamtarroq klubga o‘tishi kerak.

Manbaga ko‘ra, "Xetafe" va "Valyadolid" qishki transfer oynasida Endrikni ijaraga olish uchun barcha imkoniyatlarga ega.

Endrik "Real" safida 16 ta rasmiy o‘yinda maydonga tushib, 2 ta gol urdi va jamoadoshiga bitta golli uzatma berdi. «Transfermarkt» futbolchini 40 million yevroga baholamoqda.