“Al-Hilol” hujumchisi Neymar “PSJ”da o‘ynaganida “Oltin to‘p”ni qo‘lga kiritishi mumkinligini aytdi.

"Mening eng yuqori cho‘qqim "PSJ"ga to‘g‘ri keldi. Agar “PSJ”dagidek o‘ynaganimda, “Oltin to‘p”ni albatta qo‘lga kiritgan bo‘lardim. Ammo menda jarohatlar bor edi, ular oxir-oqibat menga to‘sqinlik qildi. Har bir futbolchi “Oltin to‘p”ni qo‘lga kiritishni istashi aniq. Ammo bu sovringa ega bo‘lmaslik mening hayotimni tugatmaydi", dedi Neymar.

Neymar 2017 yildan 2023 yilgacha Parij klubida o‘ynagan.