"Barselona" prezidenti Joan Laporta firibgarlikda ayblangani bo‘yicha o‘z munosabatini bildirdi.  

Ma’lumotlarga ko‘ra, «Barselona» prezidentiga nisbatan 2016–2018 yillar davrida sodir etilgan deb taxmin qilinayotgan 4,7 million yevro miqdoridagi firibgarlikka aloqadorlik bo‘yicha tergov olib borilmoqda.  

Laporta va yana ikki shaxsga qarshi da’voni lotereyadan yutgan mablag‘larini Gonkongdagi "CSSB Limited" kompaniyasiga uch yil muddatga 6% yillik foiz stavkasini undirish maqsadida sarmoya qilgan oila kiritgan. Investisiyalardan ikki yillik daromad 792 ming yevroni tashkil qilishi kerak edi, ammo natijada oila faqat 84 ming yevroni olgan va sarmoya qilingan summa qaytarilmagan.  

Da’vogarlar shartnoma Laporta tomonidan "CSSB Limited" nomidan tavsiya etilganini va uning yurist sifatida ishtirok etganini ta’kidlamoqda. Ular Laportani moliyaviy savodxonlik yetishmasligidan foydalanganlikda ayblamoqda va uning omma oldidagi obro‘si tufayli unga ishonganini qayd etishgan. Shuningdek, shikoyatda Laportaning ularni bir necha marta «Kamp Nou»ning VIP lojasiga taklif qilgani ham aytilgan.  

«Barselona» rahbari o‘zining firibgarlikdagi ayblovlarini rad etib, quyidagi bayonotni e’lon qildi:  

«2023 yil 26 may kuni da’vogarlar firibgarlikda gumon qilinayotgan shaxslar guruhiga qarshi ariza berishdi, bu guruhga men ham kiritilganman. Ammo men da’vogarlar ta’kidlayotgan investisiyalarda hech qanday ishtirok etmaganman. Da’vo berilgan zahoti sudya uni rad etdi, chunki jinoyat tarkibi yo‘qligini tushundi.  

Da’vogar mazkur qarorni apellyasiya qildi, va Provinsiya sudi javobgarlarning prosessual kafolatlarini ta’minlash maqsadida ularni eshitish zarurligini ta’kidladi.  

Natijada, dushanba kuni soat 9:00 da o‘sha sudya ayrim javobgarlarning ko‘rsatmalari tinglaydi, bu avvalgi holatlarda ham sodir bo‘lgan edi.  

Javobgarlardan biri yaqinda Laporta ushbu kompaniya bilan bog‘liq qarorlarga hech qanday aloqasi yo‘qligini aytdi. Javobgarlar ushbu ish yaqin orada yakunlanishiga ishonch bildirishmoqda.  

"Laporta & Arbós" yuridik kompaniyasi ushbu kompaniyaga investisiya kiritishni hech qachon tavsiya etmagan, chunki jarayon u paytda allaqachon boshlangan edi.  

Bu biryoqlama va noto‘g‘ri ma’lumot Joan Laportaning shaxsiy obro‘si va sha’niga qaratilgan OAV tomonidan amalga oshirilgan yana bir bo‘xtondir. Ammo haqiqat yana bir bor nomussizlik ustidan g‘alaba qozonadi», – deyiladi bayonotda.