Markus Reshford "Manchester Yunayted" tarkibidagi o‘z o‘rnini qaytarishga umid qilmoqda.
Hujumchi 12 dekabrdan beri maydonga tushmayapti. Premyer-liganing 22-turida "Brayton"dan uchralgan mag‘lubiyatdan so‘ng (1:3) Ruben Amorim Reshfordning yo‘qligini shunday izohladi: "O‘ynamaslik uning tanlovi".
BBC xabariga ko‘ra, klubdagi manbalar Amorimning aytgan narsasiga ishonishmaydi. "Manchester Yunayted"ning fikricha, murabbiy shunchaki forvardning kelajagi o‘z qo‘lida ekanligini ta’kidlamoqchi bo‘lgan.
Futbolchiga yaqin manbalar Reshford "Yunayted"da o‘ynashni xohlashini va Amorim bilan jiddiy kelishmovchiliklari yo‘qligini ta’kidladi. Angliyalik futbolchi tarkibga kiritilsa, maydonga tushishga tayyor.













