Маркус Рэшфорд "Манчестер Юнайтед" таркибидаги ўз ўрнини қайтаришга умид қилмоқда.
Ҳужумчи 12 декабрдан бери майдонга тушмаяпти. Премьер-лиганинг 22-турида "Брайтон"дан учралган мағлубиятдан сўнг (1:3) Рубен Аморим Рэшфорднинг йўқлигини шундай изоҳлади: "Ўйнамаслик унинг танлови".
BBC хабарига кўра, клубдаги манбалар Аморимнинг айтган нарсасига ишонишмайди. "Манчестер Юнайтед"нинг фикрича, мураббий шунчаки форварднинг келажаги ўз қўлида эканлигини таъкидламоқчи бўлган.
Футболчига яқин манбалар Рэшфорд "Юнайтед"да ўйнашни хоҳлашини ва Аморим билан жиддий келишмовчиликлари йўқлигини таъкидлади. Англиялик футболчи таркибга киритилса, майдонга тушишга тайёр.
