Kilian Mbappe Neymarning Lionel Messiga hasad qilish haqidagi so‘zlariga javob berdi.

Oldinroq "Al-Hilol" hujumchisi Messining transferidan so‘ng Mbappening "PSJ"dagi xatti-harakatlari o‘zgargani haqida gapirgandi: "U biroz rashkchi bo‘lib qoldi. Keyin bir nechta mojarolar, xatti-harakatlarning o‘zgarishi yuz berdi."

"Men aytadigan gapim yo‘q. Men "Real Madrid"da nima qilish kerakligiga e’tiborimni qaratganman. Men Neymarni juda hurmat qilaman. Neymar haqida gapirishim mumkin, lekin men uni futbol tarixidagi noyob futbolchi sifatida ijobiy eslashni va Parijdagi lahzalarimizni eslamoqchiman.

Hozir men Madriddaman, Madriddan zavq olishni xohlayman. Men Neymar va uning barcha oilasi va do‘stlariga omad tilayman", - dedi "Real" hujumchisi.