Килиан Мбаппе Неймарнинг Лионель Мессига ҳасад қилиш ҳақидаги сўзларига жавоб берди.
Олдинроқ "Ал-Ҳилол" ҳужумчиси Мессининг трансферидан сўнг Мбаппенинг "ПСЖ"даги хатти-ҳаракатлари ўзгаргани ҳақида гапирганди: "У бироз рашкчи бўлиб қолди. Кейин бир нечта можаролар, хатти-ҳаракатларнинг ўзгариши юз берди."
"Мен айтадиган гапим йўқ. Мен "Реал Мадрид"да нима қилиш кераклигига эътиборимни қаратганман. Мен Неймарни жуда ҳурмат қиламан. Неймар ҳақида гапиришим мумкин, лекин мен уни футбол тарихидаги ноёб футболчи сифатида ижобий эслашни ва Париждаги лаҳзаларимизни эсламоқчиман.
Ҳозир мен Мадриддаман, Мадриддан завқ олишни хоҳлайман. Мен Неймар ва унинг барча оиласи ва дўстларига омад тилайман", - деди "Реал" ҳужумчиси.
