"Liverpul" va "Barselona" Chempionlar ligasining 1/8 finaliga chiqishni kafolatladi.
Mersisaydliklar umumiy bosqichning 7-turida "Lill"ni 2:1 hisobida mag‘lub etishdi. 21 ochko to‘plab, jadvalda peshqadamlik qilmoqda. "Benfika"ni 5:4 hisobida yenggan "Barselona" esa 3 ochko orqada qolib, 2-o‘rinni egallagan. Ikkala jamoa ham 1/8 finalga to‘g‘ridan-to‘g‘ri chiqish huquqini beruvchi birinchi sakkizlikdagi o‘rinlarni kafolatlagan.
Jadvalda 15 ochko to‘plagan "Atletiko" 3-o‘rinda, 14 ochko to‘plagan "Atalanta" 4-o‘rinda bormoqda. "Bayer," "Aston Villa," "Monako," "Lill" shuningdek, bir o‘yindan kam o‘ynagan "Arsenal," "Inter" va "Brest" 13 ochkodan to‘plashgan.
7-turdan so‘ng keyingi bosqichga chiqish uchun matematik imkoniyatlarini "Shturm" va "Srvena Zvezda" yo‘qotdi - hozirda bu jamoalar 7 turda atigi 3 ochko to‘plagan. Ilgariroq "Slovan," "Yang Boyz" va "RB Leypsig" turnirdan chiqib ketgandi.