"Ливерпуль" ва "Барселона" Чемпионлар лигасининг 1/8 финалига чиқишни кафолатлади.
Мерсисайдликлар умумий босқичнинг 7-турида "Лилль"ни 2:1 ҳисобида мағлуб этишди. 21 очко тўплаб, жадвалда пешқадамлик қилмоқда. "Бенфика"ни 5:4 ҳисобида енгган "Барселона" эса 3 очко орқада қолиб, 2-ўринни эгаллаган. Иккала жамоа ҳам 1/8 финалга тўғридан-тўғри чиқиш ҳуқуқини берувчи биринчи саккизликдаги ўринларни кафолатлаган.
Жадвалда 15 очко тўплаган "Атлетико" 3-ўринда, 14 очко тўплаган "Аталанта" 4-ўринда бормоқда. "Байер," "Астон Вилла," "Монако," "Лилль" шунингдек, бир ўйиндан кам ўйнаган "Арсенал," "Интер" ва "Брест" 13 очкодан тўплашган.
7-турдан сўнг кейинги босқичга чиқиш учун математик имкониятларини "Штурм" ва "Црвена Звезда" йўқотди - ҳозирда бу жамоалар 7 турда атиги 3 очко тўплаган. Илгарироқ "Слован," "Янг Бойз" ва "РБ Лейпциг" турнирдан чиқиб кетганди.
