OAV xabariga ko‘ra, Madridning "Real" klubi "Inter" himoyachisi Alessandro Bastonini sotib olmoqchi.
Qayd etilishicha, madridliklar futbolchini anchadan beri kuzatib turishibdi. Manbaning qo‘shimcha qilishicha, "Inter" Bastoni bilan xayrlashmoqchi emas. Biroq klubning moliyaviy qiyinchiliklari ularni takliflarni tinglashga majbur qilishi mumkin.
Alessandro Bastoni joriy mavsum “Inter” safida 28 ta o‘yinda maydonga tushib, 1 ta gol va 5 ta golli uzatmani amalga oshirdi. Italiyalik futbolchining mehnat shartnomasi 2028 yilning yoziga qadar tuzilgan.
