Jurnalist Nikolo Skiraning xabar berishicha, "Beshiktosh" qishda "Yuventus" chap qanot vingeri Luka Pellegrinini sotib olmoqchi bo‘lgan. Biroq, klublar o‘rtasidagi ijara shartnomasidagi majburiy sotib olish bandi tufayli italiyalik futbolchi mavsum oxirigacha "Lasio"da qolishiga to‘g‘ri keldi. Xarid qilish bandi mavsum oxirida faollashadi va Turin klubi futbolchi uchun 4 million yevro oladi.
Eslatib o‘tamiz, joriy mavsumda 25 yoshli futbolchi "Lasio" safida barcha turnirlarda 21 ta o‘yin o‘tkazib, 3 ta golga assistentlik qilgan. Nufuzli "Transfermarkt" portali Pellegrinining narxini 3,5 million yevroga baholamoqda.
